ដំណឹង គួរឲ្យភ័យខ្លាចនិងតក់ស្លុតបំផុតដែលគូស្នេហ៍មិនចង់ឮគឺនៅពេល ដែលដៃគូរបស់ខ្លួនប្រាប់ថា គេមានថ្មីហើយ។ មានកត្តាជាច្រើនដែលនាំឲ្យស្វាមីងាកទៅរកអ្នកថ្មី ហើយក្នុងនោះភាគីខាងភរិយាក៏អាចជាចំណែកនាំបញ្ហាផងដែរ។ ទៅថ្ងៃមុខ ប្រសិនបើមិត្តយុវវ័យចង់មានគ្រួសារដែលពោរពេញដោយសុភមង្គល សូមអានអត្ថបទខាងក្រោមនេះឲ្យចប់ ៖១. បំពេញចំណង់ផ្លូវភេទមិនគ្រប់គ្រាន់ ឬ ខ្វះការចាប់អារម្មណ៍ពីភរិយា។ ពេលខ្លះភាគីខាងភរិយាមានភាពនឿយហត់ក្នុងការងារពេក ធ្វើឲ្យចំណង់ផ្លូវភេទធ្លាក់ចុះ ហើយមិនបានគិតគូរពីតម្រូវការរបស់ស្វាមី។ ដូច្នេះជាដំណោះស្រាយ ត្រូវចេះដាល់អារម្មណ៍ខ្លួនឯងឲ្យមានចំណង់ផ្លូវភេទឡើងវិញ ព្រោះវាជាផ្នែកដ៏សំខាន់នៃសុភមង្គល។
២. ភរិយាផ្ដល់អាទិភាពឲ្យស្វាមីចុងក្រោយគេ និងតិចបំផុត ហើយចាត់ទុកកូនជាមនុស្សដំបូងនិងសំខាន់បំផុតនៅក្នុងជីវិត។ ហើយពេលខ្លះទៀត
សូម្បីតែឪពុកម្ដាយ បងប្អូនឬមិត្តភ័ក្ដិ ក៏ជាជម្រើសទី២ដែលបន្ទាប់ពីកូន។ តើទុកប្ដីនៅឯណាទៅ?
៣. ប្រពន្ធតែងតែបង្ហាញអាកប្បកិរិយាថាប្ដីមិនសំខាន់។ យកប្ដីរបស់ខ្លួនទៅប្រៀបជាមួយបុរសដទៃ ហើយមើលឃើញប្រុសផ្សេងឆ្លាតនិងល្អបំផុត តែប្ដីរបស់ខ្លួនមានតែពាក្យថាល្ងង់ គ្មានតម្លៃអ្វីសោះ។
៤. ប្រពន្ធតែងតែចង់បានគ្រប់យ៉ាងពីប្ដីដោយគ្មានហេតុផល។ អ្វីដែលស្វាមីធ្វើតែងរងការរិះគន់ មិនដែលឭពាក្យសរសើរពីមាត់ភរិយា។ ប្រពន្ធតែងយល់ថាតម្រូវការរបស់ខ្លួនសំខាន់ជាងប្ដីរហូត។
៥. ភរិយាមិនត្រឹមតែមិនផ្ដល់តម្លៃឲ្យប្ដីនោះ ទេ សូម្បីតែចាស់ទុំខាងប្ដីក៏មិនសូវគោរពដែរ។ កត្តាទាំងនេះធ្វើឲ្យប្ដីយល់ថាខ្លួនអស់ភាពជាមនុស្សប្រុស ដូច្នេះការចាប់ស្រវារកអ្នកថ្មីអាចនឹងកើតមានគ្រប់ពេល។
៦. ប្រុសភាគច្រើនខ្លាចជួបបំផុតស្ត្រីដែលអន់ គំនិត មិនចេះថែរក្សាទ្រព្យ ចាយវាយផ្ដេសផ្ដាស ។ និងកាន់តែខ្លាចទៀតនោះគឺស្រីក្បត់។
ឥឡូវអ្នកបានដឹងពីហេតុផលដែលនាំឲ្យស្វាមីឃ្លាតឆ្ងាយហើយ ដូច្នេះសូមប្រយ័ត្នណា បើនារីដ៏ទៃគ្មានគុណវិបត្តិដូចខាងលើទេ នាងពិតជាអាចទាក់ទាញស្វាមីរបស់អ្នកបាន។